الشاعر حامد زيد

القصيده الاولى
(عتبوها)
بعد ماقابلتني عاتبوها
على شوف الحبايب حاسبوها
خذوها وأبعدوها غصب عني
وعن وجهة طريقي جنّبوها
وشالوها عن عيوني غصيبه
عواذل وأغصبوني وأغصبوها
خذوها من يديني شوف عيني
وعن عيني تعدّوا وأحجبوها
كلام وصدّقوا بالبنت كذبه
وهم اللي من أول كذّبوها
وهم وشدخلهم في مال بيّن
لبوها والخلايق طالبوها
وفيّه لاتخون ولاتعاند
جسوره والمواعيد أرعبوها
ملاكٍ كامله والكامل الله
ولكن العواذل عذربوها
وهي كلما دعتني تشتكي لي
عن اللي سالفتنا سرّبوها
تخاف وتلتفت مع كل كلمه
تظن أن العواذل راقبوها
تلفّت من عقب ماهي جريئه
شجاعه ماتهاب وهيّبوها
وأهدّيها وأنا حاير وثاير
مصيبه ياعذابٍ عذبوها
وهم كلما خذوها عن طريقي
تراهم صوب قلبي قرّبوها
وأنا ماتعّبت قلبي خيانه
خيانه رتّبوها وأحسبوها
ولا يعجز خفوقي لايقابل
جفا من حاربوه وحاربوها
وأنا لي عزّة ٍ تفرض عليّه
أخاطب بالجفا من خاطبوها
وأكسر لوحة الماضي وأزيله
وأخرّبها مثل ماخرّبوها
وأذوّقهم ندم ماصار فيها
وأشرّبهم من اللي شرّبوها
وأدلّعها وأولّعها بنفسي
وأشرٌّقها بعد ماغرّبوها
وأعوّضها عن اللي راح كله
وعن ذيك الليالي كلّبوها
غلاها بالحشى لازال ثابت
ولو حتى بغيري حبّبوها
وغلاي بقلبها مرّ وتعدى
غلاها لأمها ولا لأبوها



(من تحت الى تحت)
لو تعرف الخطايا كيف كنت محروم
كان سود الليالي يوم طحت سمحت
لو هموم المفارق مثل كل الهموم
ماتشوفون عيني بالدموع سبحت
ولو تحن المشاكل عقب حب الخشوم
كان حبيت خشم المشكله واستحت
بين صدة عزيز وكبرياء مهزوم
عين شحت على وعينٍ استسمحت
بس مالله خلقني من بكاي معصوم
وادري انه المحاجر لو تفيض افضحت
والله اني على جرحي صبور وكتوم
لكن ان الدموع ان روحت روحت
اعذلتني ظروفي وانهكتني عزوم
والوجيه احزنت لي والقلوب افرحت
اشهد ان الليالي ماتعرف السلوم
قلب جافي لقاه ووجه صافي بحت
راهنتني تبلل بالدموع الكموم
ويشهد الله عليها راهنت واربحت
احرمت نور عيني من غلا ريم قوم
بذرةٍ وارتوتني واثمرت واطرحت
جادلٍ دوم ماهي مثلها كل يوم
استضاحت غموض وبالغموض اوضحت
دورت بين قلبي والهدب درب نوم
وامرحت وين مدري المهم امرحت
تنحت اسمي بقلبٍ جيت فيه معزوم
واسمها بين جلدي والعظام انحت
مثل جفني لعيني بالنعاس محكوم
كل مانمت نامت كل ماصحى صحت
ماتعارض كلامي غير عند اللزوم
بس لا قمت اسولف واندمجت سرحت
دايم ازعل عليها بس قلبي رحوم
وهي تموت بعذابي من تحت لي تحت
مثل وجه العلاقه في ثياب الخصوم
ان تطيبت طابت وان جرحت اجرحت
خصها الله بوصفٍ من خيال معدوم
لا اذان اسمعتبه ولاعيون المحت
كن ربي خلقها من بياض الغيوم
ومن كفوف السحابه بالورد القحت
عن سواها فرقها بالقمر والنجوم
وكل عذرى تباها بالجمال انزحت
بالحلا هي كوم وباقي الناس كوم
كفتٍ عادلوها بالبشر وارجحت
حسبي الله على اللي مابغاها تدوم
من بعد كيف كانت شوف كيف اصبحت
لاتحقق وصال ولا فراق محتوم
خطةٍ قربتني للفشل وانجحت
لعنة العشق تبقى مثل ضرب السهوم
لو محى الوقت جرحه صورته ما انمحت
كيف ابنسى وانا اللي من جفاف لسموم
ماحشمت العيون ولا الدموع فلحت
كانها بالحميا كل ربعي قروم
لو يلدون لاصعاب الظروف صلحت
اجزم ان كنت ياقلبي شجاع وجزوم
لد لعيون بنتٍ لا التفت الفحت
ماتهين البخيل الا يدين الخدوم
دام كف الخطايا بالجفا لوحت
نطح الباس باس ونطح اللوم لوم
وان تهدت تهد وصيح ان صيحت
ياتعيش بمعزه ياتموت محشوم
ودك ان الليالي لافعلت امدحت
عمر ضعف الاراده مايسر الرخوم
ضربت السيف لوبيدين الشجاع ذبحت


(التمثال)
عفا الله عن خطا غدر الخناجر والضلوع iiابطال
بسامح واتركك تحت الظلام الحالك iiلحالك
دخيلك وفر دموعك ترى هدر الدموع اذلال
وترى ما فيه احد يصبر مثل صبري iiبغربالك
انا عيب علي أنقض كلامي والرجال iiافعال
واذا قلت اقطع احبالك تراني بقطع iiحبالك
عشان اكسب هدب عينك تجرعت العذاب iiاشكال
وليتك ترأف بحالي علشان ارأف iiبحالك
مسوي في حياتي شي ما يذكر ولا iiينقال
حشا حتى العدو وهو العدو ما يعمل اعمالك
تمسيني على الهم وتصبحني على iiالغربال
تقلطني فناجيلك وتقصر عني iiدلالك
تحملت التعب لجلك وانا حملي يهد iiجبال
رحلت من العذاب وما وقفت الا على iiجالك
علامك كل ما جيك متواضع جيتني تختال؟
معاك اليا متي بصبر وصبري معك iiيحلالك؟
مثل ما اقبلت لعيونك لزوم تلد لي باقبال
ومثل ما قد حشمتك حس واحشم قلبي اشوى iiلك
أنا محدن بجابرني أساير معك iiهالمنوال
ترى لاني تبيع لك ولا ني باصغر iiعيالك
أنا جيت اعشقك نبض ومشاعر ما اعشقك (تمثال)
أنا جيت اسكنك واحياك وابقى فيك وابقى iiلك
أنا جيت بظما عاشق تعب يطرد سراب iiاللال
أنا جيت استفز رضاك من فرقاك والجا iiلك
أنا ما همت بك عاقل أنا كنت اعشقك iiبخبال
أنا ما كنت احبك حي أنا كنت اعشقك iiهالك
تخيل من كثر ما اخاف تلقى للزعل iiمدخال
أخاف اخطي على طيفك وادوس برجلي iiظلالك
تبعتك والعرب تتبع رعود البارق iiالهمال
وانا شفت المطر يتبعك في حلك iiوترحالك
كأن اللي خلق حسنك خلقني مع جسدك ظلال
وصرت اقرب جسد يمشي معك باقفاك iiواقبالك
أبي قلبك يحس انه فقد بمحبته iiرجال
ملكته من هدب عين وخسرت رضاه iiباهمالك
صحيح ان الفراق اقسى ولكن الوصال iiمحال
أنا صعبن علي أرضي غرورك واضعف iiقبالك
بعد ما حققت عيني فبعدك للرقاد iiامال
أعود للسهر؟ -- يا خوي فال الله ولا iiفالك!
ببدل نظرتك فيني واجي لك كل يوم iiبحال
بكون اقرب من ثيابك عليك ولا تهيا iiلك
بالمك وانثرك واجمعك وارجع وانثرك iiباهمال
بخونك وازعلك وارضيك وازعل منك وارضى iiلك
أبرسم بالثرى وجهك وابدفن صورتك برمال
أبشكي للعرب فرقاك واضحك عند iiعذالك
أبهديك الوصال فراق واهديك الفراق وصال
بسوي مثل ما شوفك تسوي وافعل iiافعالك
عشان تعرف من فينا الزعول ومن وسيع iiالبال
أبيك تذوق فنجالي وانا بذوق iiفنجالك
نصيحة واحتفظ فيها قصر معك الزمن أو iiطال
أبي تسمع كلامي زين وتحطه على بالك
اذا حبك هبال اطفال لك عندي هبال iiاطفال
ولا --- وابشر بعد بهبال حب ما هو iiبهبالك
واذا قصدك تهين اسمي عشان تشمت iiالعذال
ترى لا انته ولا غيرك --- ولا عشرة من اشكالك


(الحلم)
بوقت من البطا و بليل تتراقص شيطاين
بعد شفت الضيا ينزع من ثياب المسا ثلثين
تحايلت المنام اللي مثل بيتك تمرينه
و أنا اللي من تفارقنا و أنا ما غمضت لي عين
غريبة كل حلم يمر برقادي تزورينه
و الأغرب كيف احلم الحلم و ارجع و أحلمه بعدين ؟؟
قبل يومين شفتك بالمنام و قمت من حينه
و نمت أمس و رجع نفس المنام اللي قبل يومين
أنا اللي قبل أسافر شلت قلبي من شرايينه
تركته في يدك مثل الأمانة واحفظيها زين
ترا حفظ الأمانة دين مجبورة تردينه
اجل ما فيه احد قالك حفظ الأمانة دين ؟؟
مرد المقفي بيلفي و يستوفي و توفينه
بعد ليلة , ثلاثة , أربعة , عشرة , شهر , شهرين
إذا أنتي منتي بقد الكلام اللي تقولينه
حرام استامنك حاجة و إذا جيت أطلبك تنسين
تخونين و تبين أرضى !! و احد يرضى تخونينه ?؟
أنا لا جيت أخونك مع حبيبة ثانية ترضين ؟؟
من أول ما رجعت من السفر ما شفتلك بينه
و أنا اللي كنت أحسبك قبل أدوس ارض المطار تجين
تكونين أنتي أول شخص عيني تحتضن عينه
و كنت أتخيلك من زود فرحة رجعتي تبكين
و أشوف بدمعتك حكيك و اعرفه قبل تحكينه
و أجيب أحلى من اللي بتحكينه و أتركك تحكين
تقولين الوطن نور و أقول بنور مضوينه
تقوليلي غديت أحلى و أقول عيونك الحلوين
كلام نام بشفاهك و خفتي لا تصحينه
ذخرتيه لغرام اللي ينام و يتركك تصحين
تغانمتي غيابي لين رجحتي موازينه
تعلم من يدك لمس الكفوف و علمك تجفين
و ليتك لاقيه به شي فيني ما تلاقينه
مهو بغرور لكن خابرك مالك أمل تلقين
تغافلك بغلا و لا الحلا مهو بمن زينه
تزينه الصور بس الصحيح ابن الحلال زوين
و أنا ماني بناقص عنه يوم انك تبدينه
نصيبي هو نصيبي لو يسددها من الصوبين
قنوع بمظهري و السم ما يذبح ثعابينه
على قولة المثل (ماني بحلو و لكن ماني بشين)
إذا أهداك الزهر مرة أنا أهديتك بساتينه
و إذا ألهاك بفرح ليلة أنا تهت لبكاك سنين
و إذا استضعفتك أملاكه و شتتك ملايينه
أنا حتى فتات الخبزة اقسمها معك نصين
طموحي بس أجي و اظفر بشي تستحقينه
تدينته , تسلفته , سرقته , مو مهم منين
كأني من كثر ما أرضى بكل اللي تمنينه
لو انك تطلبين , الله يعيني بقول آمين
أنا ما العب على الحبلين وقت الطيش وسنينه
تبين الحين يوم إني كبرت العب على الحبلين ؟؟
ترا عند البدو بالذات عيب اللي تسوينه
حلاتك لا عشقتيني تعشقيني ليوم الدين
غرام نسكن ضلوعه حشيمة من مجانينه
جفا يجمع معزتنا ولا عشق يذل اثنين
كثار اللي تحدوني و قالولي تحبينه
أمانة لا تخليني صغير بعينهم تكفين
لأني كل ما قالوا تخون أقول مسكينة
عليك الله و أمانة علميهم منهو المسكين
أنا خايف ليا (طاح الجمل تكثر سكاكينه)
و أنا ما عادت ضلوعي تحمل طعنة السكين
مثل ما قالوا "المكتوب واضح من عناوينه"
لو ارحل منك للغربة بسافر من ظلامك وين ؟؟
كفاية كل حلم يمر برقادي تزورينه
كفاية من تفارقنا و أنا ما غمضت لي عين
قبل يومين شفتك بالمنام و قمت من حينه
ونمت أمس و رجع نفس المنام اللي قبل يومين

شكـــــــــــــــــــــــــــــــرا\دنياي تسوى نظر عيني

مشكووور واتمنى التقدم

مشكـــــــــــــــــــــــــــــــــــــــــــــــــــــــــــــــــــــــــــــــــــــــور

نبي زيادة